Shërbimet
01. Çështje Civile & Administrative
Civile
Studio ligjore "EAA Law Office" ofron konsulencë ligjore dhe përfaqësim në gjykatë për të gjitha çështjet civile që kanë të bëjnë me:
-
Konsulencë juridike, hartim të kërkesë-padive, përfaqësim gjyqësor në lidhje me fitimin dhe mbrojtjen e së drejtës së pronësisë dhe bashkëpronësisë.
-
Konsulencë juridike, përfaqësim gjyqësor në lidhje me formën ligjore të lindjes, ndryshimit, shuarjes së marrëdhënieve juridike të detyrimit apo atyre kontraktore.
-
Konsulencë në përpilim kontratash të të gjitha llojeve, përfshirë këtu edhe kontratat aksesore si mjete të sigurimit për përmbushjen e detyrimeve.
-
Konsulencë juridike për çështjet e trashëgimisë ligjore dhe testamentare, përfaqësim në gjykatë për çeljen e trashëgimisë ligjore, kundërshtim të testamentit etj.
-
Hartimin e kërkesë-padive dhe përfaqësimin e çështjeve në gjyq gjatë procesit gjyqësor për shpërblimin e dëmit moral apo ekzistencial, si pasojë e veprimeve apo mosveprimeve të kryera në kundërshtim me dispozitat ligjore në fuqi.
-
Hartimin e kërkesave për shpërblimin e dëmeve të shkaktuara si rezultat i aksidenteve rrugore nga mjetet motorike.
Administrative
Studio ligjore "EAA Law Office" ofron konsulecë ligjore dhe përfaqësim përpara të gjitha gjykatave në të gjitha shkallët e gjykimit për çështje administrative që kanë të bëjnë me:
-
Hartim të dokumentacionit të nevojshëm.
-
Përfaqësim ligjor në konfliktet me organet administrative shtetërore.
-
Ankim të akteve administrative individuale.
-
Asistencë dhe përpilim të dokumentacionit për pjesëmarrje në tendera, propozimin dhe përgatitjen e koncesioneve, marrjen e lejeve, etj.
-
Konsulencë dhe asistencë në komunikim me organet e administratës shtetërore.
-
Konsulencë dhe asistencë në lidhjen e kontratave me organet e administratës shtetërore.
-
Ankimim gjyqësor i akteve administrative dhe përfaqësim gjyqësor përpara gjykatave të shkallës së parë, të Apelit dhe të Gjykatës së Lartë.
-
Përfaqësim në gjykimet për kontrollin e ligjshmërisë së aktit në Gjykatën e Lartë dhe në Gjykatën Kushtetuese.
-
Përpilim kërkesash fillestare, peticione me gojë ose me shkrim, me anë të mjeteve të parashikuara në Kodin e Procedurave Administrative, akte juridike, memorie, në lidhje me procedimet administrative ku klientët tanë janë palë.
-
Ankim ndaj vendimeve të ndërmjetme që merr organi administrativ, pjesëmarrje në zhvillimin e procedurës hetimore nga organet administrative duke kërkuar verifikimin e provave dhe duke paraqitur prova që shërbejnë për marrjen e vendimit nga ana e tij.
-
Hartim dokumentacioni dhe ndjekje të procedurave të tenderave dhe prokurimeve publike.
